Die geboustruktuur van jou private woning en alle vaste items binne die struktuur, soos vaste matte, ingeboude kaste en warmwatersilinders, word gedek teen verlies of skade wat gely word a.g.v. versekerde gebeurtenisse, soos brand, ontploffing, natuurrampe en inbraak.

Items wat jy gewoonlik dra of buite jou private woning met jou saamneem, soos brille, handsakke en horlosies, word teen toevallige skade of diefstal gedek.  Items met ‘n baie hoë waarde, soos juweliersware, fietse, kameras, selfone en skootrekenaars, moet apart gespesifiseer word ten einde dekking te hê.

Motors word teen ongelukskade, brand, diefstal en derdepartyskade gedek, afhangende van die dekkingsopsie wat jy gekies het.

Motorfietse word teen ongelukskade, brand, diefstal en derdepartyskade gedek, afhangende van die dekkingsopsie wat jy gekies het.

Watervaartuie en die gespesifiseerde toerusting en bybehore daarvan word teen ongelukskade, brand, diefstal en derdepartyskade gedek, afhangende van die dekkingsopsie wat jy gekies het.

Nie-gemotoriseerde voertuie wat ontwerp is om deur ‘n motorvoertuig gesleep te word, soos woonwaens en sleepwaens, word teen ongelukskade, brand, diefstal en derdepartyskade gedek, afhangende van die dekkingsopsie wat jy gekies het.

Persoonlike ongevalle bied dekking in die geval van ongeskiktheid of dood wat deur ‘n toevallige besering of ongeluk veroorsaak is.

Persoonlike aanspreeklikheid dek toevallige beserings of skade ten opsigte van ‘n derde party wat deur jou nalatigheid veroorsaak is.